தமிழீழ மக்களின் சுதந்திர வாழ்வுக்காக, ஓரு கட்டமைக்கப்பட்ட விடுதலை இயக்கமாக, உயரிய இலட்சிய பயணத்தில், தமது குறிக்கோளை எந்த சமரசத்திற்கும் இடமின்றி, இறுதிவரை உறுதியுடன் போராடி வீரச்சாவடைந்த மாவீரர்களை நினைவுகூரும் மாவீரர் நாள் நிகழ்வு வியாழக்கிழமை 27-11-2025 அன்று Grantham Reserve, Seven Hills இல் சிறப்பாக நடைபெற்றுள்ளது.
இந்நிகழ்வை நிதர்சினி, கௌசியா, யாழவன் ஆகியோர் தொகுத்து வழங்கினார்கள்.
மாவீரர் நாள் நிகழ்வின் தொடக்க நிகழ்வாக, அனைவர் சார்பாகவும் பொதுச்சுடரினை தீச்சுவாலை முறியடிப்பு சமரில் வீரச்சாவெய்திய மேஜர் வதனி அவர்களின் சகோதரி டினோ வினிஸ்ரன் அவர்கள் ஏற்றிவைத்தார்.
மூத்த தமிழ்த் தேசிய செயற்பாட்டாளர் சிறிகரன் அவர்கள் அவுஸ்திரேலிய பூர்விக மக்களின் கொடியை அவர்கள் ஏற்றிவைக்க, அவுஸ்திரேலியத் தேசியக் கொடியை தமிழ்த் தேசிய செயற்பாட்டாளரும் மாவீரர் கப்டன் வினித்தா அவர்களின் சகோதரன் சதீஸ்கரன் அவர்கள் ஏற்றிவைக்க, தமிழ்த் தேசிய செயற்பாட்டாளரும் மாவீரர் கப்டன் கண்ணகி அவர்களின் சகோதரன் மோகன் அவர்கள் தமிழீழத் தேசியக்கொடியையும் ஏற்றிவைத்தார்.
தொடர்ந்து, தமிழீழத் தேசியத்தலைவரின் சிந்தனைகள் ஒலிக்கப்பட்டு, மணி ஒலி எழுப்பப்பட்டு, தமிழீழத் தேச விடுதலைக்காக, தமது கண்களைத் திறந்த கணம் முதல் நிரந்தரமாக மூடிய கணம் வரை மகத்தான தியாகங்களை புரிந்து நின்ற மாவீரர்களை நெஞ்சங்களில் இருத்தி அகவணக்கம் செலுத்தப்பட்டது.
தொடர்ந்து, மாவீரர் நாளுக்கான முதன்மை ஈகைச்சுடரினை, இறுதிப் போர்க்களத்தில், தமிழீழத்தின் ஆன்மாவை அதிரச்செய்த ஆனந்தபுரம் சமரில், பல தளபதிகளுடன் பல நூற்றுக்கணக்கான மாவீரர்களும் போராளிகளும், தமிழீழ மக்களை காப்பதற்காக களமுனையில், தன்னையும் அர்ப்பணித்து வீரச்சாவடைந்த லெப்ரினன்ற் கேணல் நளன் அவர்களின் புதல்வி அருளினி அவர்கள் ஏற்றிவைக்க,
சமநேரத்தில் மாவீரர்களின் திருவுருவப்படங்களுக்கான ஈகைச்சுடரினை மாவீரர்களின் குடும்பங்களை சேர்ந்தோர்களும் மற்றும் உரித்துடையோர்களும் 300 ற்கும் மேற்பட்ட மாவீரர்களின் திருவுருவப்படங்களை தாங்கிய மாதிரி கல்லறைகளுக்கு ஈகைச்சுடரினை ஏற்றிவைத்தனர். லெப்ரினன்ற் கேணல் நளன் அவர்களின் மூத்த சகோதரன் லெப்ரினன்ற் கேணல் மதன் அவர்களும் ஓயாத அலைகள் 3 சமரில் வீரச்சாவடைந்தவர் என்பது குறிப்பிடத்தக்கது.
அதனைத் தொடர்ந்து துயிலுமில்லப் பாடல் ஒலிபரப்பப்பட அனைவரும் உணர்வு மயமாக மாவீரர்களுக்கு நினைவு வணக்கம் செலுத்தினர். தொடர்ந்து, மாவீரர் நாள் நிகழ்வுக்கு வருகை தந்த அனைவரும் வரிசையாக சென்று கல்லறைகளுக்கு மலர்வணக்கம் செய்தனர். நீண்ட வரிசையில் காத்துநின்று அனைவரும் மலர்வணக்க நிகழ்வில் உணர்வுபூர்வமாக கலந்துகொண்டனர்.
தொடர்ந்து, மலர்வணக்க நிகழ்வு நிறைவடையும் வேளையில், "கல்லறையில் விளக்கேற்றிப் பணிகின்றோம்" என்ற தாயகப்பாடலை சிருஸ்திகா செல்வம் அவர்களும், "பூமி தாயே பூமி தாயே சிவந்தாயா" என்ற பாடலை ஜெய்கரன் அவர்களும், "விழிமூடி ...." என்ற பாடலை காந்தன் அவர்களும் உணர்வுபூர்வமாக பாடினார்கள்.
தொடர்ந்து சிறார்கள் இளையோர்கள் பெரியவர்கள் இணைந்து மாவீரர்கள் பாடல்களுக்கு உணர்வுமயமான நடனநிகழ்வை வழங்கினர்.
இந்நடன நிகழ்வில் நிதர்சினி செல்வகுமார் அவர்களின் நெறியாள்கையில்:
சாமந்தி சிவரூபன்
அக்சயா கீதன்
நிசாறா வினிஸ்ரன்
வினுசா சதீஸ்வரன்
அக்சிகா சிவராஜா
அபிசயா மதிவதன்
பிரிந்தவி கோபி
திசான் உதயசங்கர்
ஜெசிந்தன் ஜெயபாலன்
ஆகியோரும்
கலாநிதி யசோதரபாரதி சிங்கராஜர் அவர்களின் நெறியாள்கையில்:
திவாசினி சிவராசா
லக் ஷரா செல்வகுமார்
பிதுர்ஷிகா சிவராஜா
சியக் ஷா நகுலேஸ்வரன்
தூஜானியா உதயசங்கர்
கிருஷ்ணவி கோபி
தினுஷா குவேந்திரன்
அபிரா அசோக்குமார்
ஜசிதரன் ஜெயபாலன்
வாகீஸ்வரன் தமிழரசன்
கவின் கீதன்
துவாரகன் உதய சங்கர்
பார்த்திபன் கணேஷ்
தஷ்வின் சிவராசா
ஜெவின் அலெக்ஸ்
ஆகியோரும்
நிதர்சினி செல்வகுமார் மற்றும் தமிழினி அன்ரன் அவர்களின் நெறியாள்கையில்:
தமிழினி அன்ரன்
நிதர்சினி செல்வகுமார்
நிவேதிகா நிலோசன்
கலை அன்ரன்
பிரவீணா பிரதீபராஜன்
பிருத்திகா பிரதீபராஜன்
றேமருதா கருணைவேந்தன்
ஆகியோர் பங்குபற்றியிருந்தனர்.
நிறைவாக தேசியக் கொடிகள் இறக்கிவைக்கப்பட்டு, மாவீரர் நாள் நிகழ்வை உணர்வுபூர்வமாக நினைவுகூருவதற்கு பல நாட்களாக மாவீரர் நாள் ஏற்பாட்டுப் பணிகளில் தங்களை பங்களித்து நின்றும், மாவீரர் நாளில் தங்கள் முழுப்பங்களிப்பையும் வழங்கி நின்றும், நிகழ்வு நிறைவடைந்த பின்னரும் அனைத்து துப்பரவு பணிகளிலும் பங்களிக்க காத்திருந்த அனைவருக்கும் நன்றிகளை தெரிவித்து, உறுதியேற்றலுடன் நிகழ்வு நிறைவுபெற்றது.
இந்நிகழ்வில் மாவீரர் நாள் வெளியீடுகள் விற்கப்பட்டதுடன் இவ்வாண்டு மாவீர்களினதும் தமிழீழ தாயகத்தினதும் விடயங்களை தாங்கிய காந்தள் என்ற புத்தகமும் வெளியிட்டுவைக்கப்பட்டிருந்தது. இந்நிகழ்வில் 4000 இற்கும் மேற்பட்ட பொதுமக்கள் கலந்துகொண்டிருந்தமை குறிப்பிடதக்கது.
No comments:
Post a Comment